திரைக்கதை - சேது
காட்சி 15 - காலை - EXT. / INT. சேது வீடு. குளோஸ் ஷாட் - சேதுவின் அண்ணன் தலையில் முண்டாசு கட்டியபடி செடிகளுக்கு தண்ணீர் ஊற்றிக் கொண்டிருக்கிறார்.
குளோஸ் ஷாட் - அபிதாவும் தோழியும் அங்கே வருகின்றனர்.
குளோஸ் ஷாட் - அண்ணன் : யாரும்மா....?
குளோஸ் ஷாட் - அபிதாவும் தோழியும் அவர் அருகில் வருகின்றனர்.
குளோஸ் ஷாட் - அண்ணன்.
குளோஸ் ஷாட் - தோழி : சார் இருக்காங்களா...?
குளோஸ் ஷாட் - அண்ணன் : நான்தான்... நான்தான்... சொல்லுங்க...
குளோஸ் ஷாட் - தோழி : இல்லை... சிய்யான் சார்....
குளோஸ் ஷாட் - அண்ணன் : இருக்கான். என்ன விஷயம்?
குளோஸ் ஷாட் - தோழி : சிய்யான் சார்கிட்டதான் சொல்லணும்...
குளோஸ் ஷாட் - அண்ணன் எரிச்சலாகி தண்ணீர் பைப்பை கீழே வீசிவிட்டுச் செல்கிறார். தண்ணீர் முகத்தில் தெறிக்கிறது.
அண்ணன் : மூட் அவுட் பண்றதுக்குன்னே காலங்கார்த்தால வீடு தேடி வந்திருவாங்க போலருக்கு...
குளோஸ் ஷாட் - சிரித்தபடி அண்ணி வெளியே வருகிறாள். அபிதாவை வரவேற்கிறாள்.
வாங்கம்மா... வாங்க. உள்ளே வந்து உட்காருங்க.
மிட் ஷாட் - தன் அறையில் தலை வாரிக் கொண்டிருக்கிறான் சேது. அருகில் நண்பன் அமர்ந்திருக்கிறான். அங்கே அண்ணி வருகிறாள்.
அண்ணி : சிய்யான் சார்... உங்களைப் பார்க்க யாரோ ரெண்டு பேர் வந்திருக்காங்க. கொஞ்சம் கீழே வர்றீங்களா...?
சேது : போ.. வர்றேன்னு சொல்லு...
சேது அலட்சியமாக சொல்ல, அண்ணி போகிறாள்.
மிட் ஷாட் - சேதுவுக்காக காத்திருக்கும் அபிதாவிடம் சேதுவின் அண்ணன் குழந்தை கேட்கிறது
குழந்தை : நீங்க யாரு...
அபிதா : ம்...?
குழந்தை : நீங்க யாரு..? அய்யோ..! வில்லன் வர்றான்...
சேது வரும் சத்தம் கேட்டுக் குழந்தை ஓடுகிறது. சேது வருகிறான். அபிதாவும் தோழியும் எழுந்து நிற்கின்றனர்.
சேது : ஹாய்... சிட் சிட் சிட்டவுன்....
மூவரும் உட்காருகின்றனர்.
குளோஸ் ஷாட் - அபிதா அவனைப் பார்க்கிறாள்.
மிட் ஷாட் - சேது : அப்புறம்... என்ன சாப்பிடுறீங்க...? அண்ணி...
சேது அழைக்க அண்ணி வருகிறாள்.
தோழி : இல்ல ஒண்ணும் வேண்டாம்...
சேது : நோ... நோ... நோ... எங்க வீட்டுக்கு வந்தா ஏதாவது சாப்பிட்டுத்தான போகணும்...
அண்ணியிடம் திரும்பி
டூ காபி... ஃபில்டர் காபி...
சொல்கிறான். அண்ணி உள்ளே போகிறாள்.
குளோஸ் ஷாட் - சேது : ஒன்லி டூ யார்...
தோழி : ஒரு சின்ன கன்ஃபியூசன்...
குளோஸ் ஷாட் - சஜஷன் அபிதா -
சேது : இந்த சிய்யானுக்கு அர்த்தம்தானே...? ரிசர்ச் பண்ணிக்கிட்டு இருக்காங்க... இன்னும் ஒரு டூ ஆர் த்ரீ டேஸ்லே தெரிஞ்சிடும்... வந்ததும் சொல்றேன்.
மிட் ஷாட் . அறைக்குள் உட்கார்ந்திருக்கும் சேதுவின் அண்ணன். அவர்களின் பேச்சைக் கவனிக்கிறார்.
குளோஸ் ஷாட் - தோழி : அதில்லே...
குளோஸ் ஷாட் - சஜஷன் அபிதா -
சேது : பின்னே...?
குளோஸ் ஷாட் - தோழி : உங்களுக்கே தெரியும். நாளைக்கு செமஸ்டர் எக்ஸாம். இவ வீட்டிலே உட்கார்ந்து ஓன்னு அழுதுண்டு இருக்கா...
குளோஸ் ஷாட் - சஜஷன் அபிதா -
சேது : ஏன் படிக்கலையா...?
குளோஸ் ஷாட் -
அபிதா : அச்சச்சோ....
பதறுகிறாள்.
குளோஸ் ஷாட் - சஜஷன் அபிதா -
குளோஸ் ஷாட் -
சேது : அப்புறம்....?
தோழி : ஹால் டிக்கெட்டைத் தொலைச்சுட்டா. ஹெச்.ஓ.டி.எக்ஸாம் எழுத முடியாதுன்னு சொல்லிட்டார்.
குளோஸ் ஷாட் - சேது : யாரு... யாரு...?
மிட் ஷாட் - சேதுவின் நண்பன் மாடியிலிருந்து இறங்கி வந்தபடி சொல்கிறான்.
நண்பன் : ஹெட் ஆப் தி டிபார்ட்மெண்ட்...
சேதுவின் அருகில் அமர்கிறான்.
குளோஸ் ஷாட் - தோழி.
மிட் ஷாட் - நண்பன் : ஹை...
அபிதாவின் தோழியை சேதுவின் நண்பன் ஜொள்ளுவிட வாயைப் பொத்திபடி சன்னமான குரலில் சொல்கிறான் சேது.
சேது : பெரிய புள்ள பூச்சியா இருக்கியேடா... இங்கேருந்து இடத்தைக் காலி பண்றியா...?
நண்பன் : தேங்க்யூ...
நண்பன் அங்கிருந்து கிளம்புகிறான்.
மிட் ஷாட் - அறைக்குள் உட்கார்ந்திருக்கும் சேதுவின் அண்ணன் அங்கே வரும் நண்பனிடம் அபிதாவைக் காட்டிக் கேட்கிறார்.
அண்ணன் : யார்டா அது...?
நண்பன் : கூடப் படிக்கிற புள்ளைங்க...
மிட் ஷாட் - அபிதாவுக்கும் தோழிக்கும் அண்ணி காபி கொடுத்துவிட்டுப் போகிறாள்.
சேது : சாப்பிடுங்க...
மிட் ஷாட் - சேதுவின் அண்ணன் மற்றும் நண்பன் இருக்கும் அறைக்கு வரும் அண்ணி அங்குள்ள ஃபோனை எடுத்துப் போகிறாள்.
அண்ணி : காபி நல்லா இருக்காமா...?
மிட் ஷாட் - சேது : ம்...
மிட் ஷாட் - அண்ணி : காபி! ஃபில்டர் காபி... நல்லா இருக்கான்னு கொஞ்சம் கேட்டுச் சொல்றீங்களா..?
மிட் ஷாட் -
சேது : ராங் நம்பர்...
என்று ஃபோனை வைக்கிறான் சேது.
மிட் ஷாட் - ஃபோனை வைத்துவிட்டு வரும் அண்ணி மற்றவர்களுடன் அமர்ந்து சேதுவை கவனிக்கிறாள்.
குளோஸ் ஷாட் - தோழி : அப்ப நாளைக்கு...
மிட் ஷாட் - அண்ணன், அண்ணி, நண்பன் ஆகியோர் பார்த்துக் கொண்டிருக்க...
சேதுவின் குரல் (Overlap) : நோ... நோ.. நோ பிராப்ளம். காலேஜ் இஸ் மை பாக்கெட்டுலே. இந்த லெக்சரர் புரொபசர் பிரின்சிபால் ஆல் ஆப் மை ஹேண்ட்...
குளோஸ் ஷாட் - சஜஷன் அபிதா - சேது : யூ டோண்ட் வொர்ரி எனிதிங்... ஐ... ஹூ தட் ஹெச்.ஓ.டி? ஹூ தட் மேன் டிசைடு?
மிட் ஷாட் - அண்ணன், அண்ணி, நண்பன் ஆகியோர் சேது தப்புத் தப்பாக பேசுவதைக் கவனிக்கின்றனர்.
சேது குரல் (Overlap) : ஐயாம் த கிங் ஆஃப் காலேஜ்.
குளோஸ் ஷாட் - சஜஷன் அபிதா - சேது : யூ ஸீ... ஐ டிசைடு.. அன்டர்ஸ்டாண்ட்...
குளோஸ் ஷாட் - தோழி.
குளோஸ் ஷாட் - சஜஷன் அபிதா - சேது : டுமாரோ மார்னிங் டிஸ்கஷன்.. ஹெச்.. ஓ... டி பிராப்ளம் ஓவர். ஐ வில் டாக் எவ்ரிதிங்... ஓ.கே...
குளோஸ் ஷாட் - அபிதா நிமிர்ந்து பார்க்கிறாள்.
அபிதா : ம்...ம்...!
குளோஸ் ஷாட் - சேது
மிட் ஷாட் - அண்ணி : சும்மா சொல்லக் கூடாதுங்க. என்னமா இங்கிலீஷ் பேசுறான்... என்னங்க? (நண்பன் திரும்பி) இல்லையாடா...?
நண்பன் : ம்... ஆமா... ஆமா...
அண்ணியின் பாராட்டைக் கேட்டு எரிச்சலடைகிறார். அண்ணன், அவள் பேச்சை ஆமோதித்த நண்பனையும் திட்டுகிறார்.
அண்ணன் : டேய்... எந்திரிச்சுப் போடா...
நண்பன் : எஸ் யுவர் ஆனர்...!
நண்பன் எழுந்து போக, திட்டுகிறார் அண்ணன்.
அண்ணன் : அவன் பேசுறானாம்... இவ ரசிக்கிறாளாம்... மூஞ்சியும் மொகரைக் கட்டையும்...
|
