திரைக்கதை - சேது
காட்சி 5 - பகல் - INT. / அபிதா வீடு.
மிட் ஷாட் - அபிதா, குருக்கள், அம்பி ஆகியோர் இருக்கின்றனர். குளோஸ்
ஷாட் - அபிதா அப்பாவைப் பார்க்கிறாள். குளோஸ் ஷாட் - குருக்கள் சாமி கும்பிடுகிறார்.
குளோஸ் ஷாட் - அபிதா : ஏம்ப்பா... நேக்கு இந்த பேர் வச்சேள்...?
குளோஸ் ஷாட் - குருக்கள் : அபித்துன்னா...
குளோஸ் ஷாட் - அபிதா : அபித குஜலாம்பாள்னு...
குளோஸ் ஷாட் - குருக்கள் : அது உன் பெரிய பாட்டியோட பேர்
இல்லையோ...?
குளோஸ் ஷாட் - அபிதா : சரி வச்சேளோ இல்லையோ... அதுக்கு என்ன அர்த்தமுன்னு இப்போ சொல்லுங்கோ.
குளோஸ் ஷாட் - குருக்கள் : அதுக்கு இப்போ என்ன அவசரம்...?
குளோஸ் ஷாட் - அபிதா : காலேஜ்ல எல்லாரும் கிண்டல்
பண்றாப்பா...என்னன்னு சொல்லுங்கோ...
காட்சி 6 - பகல் - EXT. / கல்லூரிக்குச் செல்லும் பாதை.
மிட் ஷாட் - இரயில்வே ஸ்டேஷன் அருகில் நண்பர்களுடன் அமர்ந்திருக்கிறான் சேது. அங்கே வரும் ஊமைப் பெண் சைகையால் காசு கேட்கிறாள். சேதுவின் நண்பன் அவளுக்குக் காசு கொடுக்க, அதைக் கீழே வீசுகிறாள். சேதுவிடம் வந்து அவனை உலுக்கிக் காசு கேட்கிறாள்.
சேது : ஏய்... ஏய்... தொடாதே... (டீக்கடையை நோக்கி) மாஸ்டர் ஒரு டீ... போ...
ஊமைப் பெண்ணுக்காக டீ ஆர்டர் செய்கிறான். மிட் ஷாட் - டீக்கடையை நோக்கி ஊமை போகிறாள். குளோஸ் ஷாட் - ஊமைக்கு கடைக்காரன் டீ கொடுக்கிறான். கடையின் ஓரமாக நின்று ஊமை டீ குடிக்கிறாள். குளோஸ் ஷாட் - சேதுவின் எதிரணி ஆள் ஊமையை முறைத்துப் பார்க்கிறான். குளோஸ் ஷாட் - அவனை கவனிக்காமல் அங்குமிங்கும் வேடிக்கை பார்த்தபடி டீ குடிக்கிறாள் ஊமை. குளோஸ் ஷாட் - ஊமையின் பாவாடையை உருவுகிறான் எதிரணி ஆள். ஊமை அலறுகிறாள். குளோஸ் ஷாட் - சற்று தூரத்தில் அமர்ந்திருக்கும் சேது ஊமையின் அலறல் கேட்டு ஓடுகிறான். குளோஸ் ஷாட் - எதிரில் வரும் அபிதா சல்யூட் அடிக்கிறாள். அவளை கவனிக்காமல் ஓடுகிறான் சேது. மிட் ஷாட் - ஓடி வரும் சேது ஊமையின் பாவாடையை கட்டி விடுகிறான். குளோஸ் ஷாட் - சேது, எதிரணி ஆளை முறைக்கிறான். மிட் ஷாட் - எதிரணி ஆளை உதைக்கும் சேது ஊமையைத் தூக்குகிறான். குளோஸ் ஷாட் - அபிதா பார்க்கிறாள். மிட் ஷாட் - சேது ஊமைக்குப் பாவாடை கட்டி விடுகிறான். குளோஸ் ஷாட் - அபிதா அதைப் பார்த்துக்கொண்டிருக்கிறாள். குளோஸ் ஷாட் - தோழியுடன் அபிதா போகிறாள். குளோஸ் ஷாட் - ஊமை அழுகிறாள். அவளை சேது பரிவுடன் அணைத்தபடி பாவாடையைக் கட்டி விடுகிறான்.
காட்சி 7 - காலை - INT. / சேது வீடு.
மிட் ஷாட் - சேதுவின் அண்ணன் பேப்பர் படித்துக்கொண்டிருக்கிறார். அண்ணி காபி கொண்டு வருகிறாள்.
அண்ணன் : அந்த மூதேவியை எழுப்பி விடு...
அண்ணி : ஏன்? தூங்கட்டும். இன்னிக்கி ஞாயிற்றுக்கிழமை தானே...?
சொல்லிவிட்டு உள்ளே போகிறாள்.
குளோஸ் ஷாட்-அண்ணன் : ஏய்... இன்னிக்கி அவன் பெறந்த நாள். போய் எழுப்பி விடு.
உள்ளே சென்ற அண்ணி திரும்பி வந்து சொல்கிறாள்.
குளோஸ் ஷாட் - அண்ணி : அப்பா! ஜட்ஜ்! அத சிரிச்சிக்கிட்டுத்தான் சொன்னா என்னவாம்...?
திரும்பவும் உள்ளே செல்கிறாள் அண்ணி.
குளோஸ் ஷாட் - அண்ணன்.
|
