குளோஸ் ஷாட் - வகுப்பறையில் சேதுவும் அவன் நண்பனும் அமர்ந்திருக்கின்றனர்.

சேதுவின் நண்பன் : 'சண்டியர்'னு இருக்குமா?

மிட் ஷாட் - சேது அவனது தலையில் அடிக்கிறான்.

நண்பன் : இல்லடா... நம்ம கேரக்டருக்கு ஏத்த பெயரா இருக்கேன்னு பார்த்தேன்... சரி விடு. பார்ட்டிகிட்டயே கேட்டுருவோம். ஏம்மா...

என்ற நண்பன் ஆசிரியையைக் கூப்பிடுகிறான்.

குளோஸ் ஷாட் - போர்டில் எழுதிக்கொண்டிருக்கும் ஆசிரியை திரும்பிப் பார்க்கிறாள்.

ஆசிரியை : ம்...?

குளோஸ் ஷாட் - நண்பன் : மேடம்... அதெல்லாம் இருக்கட்டும்... இந்த சிய்யான்னா என்னான்னு தெரியுமா...?

குளோஸ் ஷாட்-ஆசிரியை : சிய்யானா...?

காட்சி 9A - பகல் - INT. / கல்லூரி வளாகம்.

மிட் ஷாட் - ஆசிரியர்கள் பேசிக் கொண்டிருக்க ஒரு மாணவன் வருகிறான்.

ஆசிரியர் : வார்த்தையே புதுசா இருக்கு

மாணவன் : சார்...

அந்த மாணவனிடம்...

ஆசிரியர் : என்ன சாமி, சந்தேகமா? எனக்கொரு சந்தேகம்... இந்த சிய்யான்னா என்ன...? எனக்கு இந்த உண்மை தெரிஞ்சாகணும் சாமி...

காட்சி 9B - பகல் - INT. / கல்லூரி ஆசிரியர்கள் ஓய்வறை.

மிட் ஷாட் - நான்கு ஆசிரியர்கள் கூடப் பேசிக் கொண்டிருக்கின்றனர்.

ஆசிரியை : வெவஸ்தை கெட்டவனான்னு இருக்கும்...

இன்னொரு ஆசிரியை : ரிடிகுளஸ்

ஆசிரியர் : நோ... நோ... இட் ஈஸ் வெரி இம்பார்ட்டண்ட். எனி டிக்ஷனரி? ஐ திங்க் தமிழ் அகராதிய பொரட்டுனா தெரியுமுன்னு நினைக்கிறேன்.

காட்சி 9C - பகல் - INT. / கல்லூரி நூலகம்.

மிட் ஷாட் - மாணவர்கள் கூட்டமாக ஓடி வந்து நூலகத்தினுள் நுழைகின்றனர்.

மாணவன் : இந்தத் தமிழ் அகராதி எல்லாம் எங்க இருக்கு...

நுரலகர் : எதுக்கு...? சியய்யான்னு அர்த்தம் தெரியணுமா...?

பர்ஸ்ட் ரோ... என்று வழிகாட்டிவிட்டு,

கருமம்... கருமம்...

மாணவர்கள் நகர்ந்ததும் தலையில் அடித்துக் கொள்கிறார் நூலகர்.

காட்சி 9D - பகல் - INT. /

மிட்ஷாட்- ஒரு வயதானவர் : பகவான் பேருடா. மற்றொருவர் 'என்ன' என்பது போல் கையை ஆட்டுகிறான்.

குளோஸ்ஷாட்-வயதானவர்: சீமான்... சிய்யான்... என்ன என்று கேட்டவன் பக்தியுடன் கும்பிடுகிறான்.