புகழ்பெற்ற துறை :கவிஞர்

தோற்றம் - 24-6-1927
மறைவு - 17-10-1981

திரைப்படப் பாடல்களால் தமிழ் இலக்கியத்தில் ஆராய்ச்சிக்குரிய அற்புதங்களுக்கு பெருங்காரணமாக இருந்தவர் கவிஞர் கண்ணதாசன். நான்காயிரத்திற்கும் மேற்பட்ட கவிதைகள், ஐந்தாயிரத்திற்கம் மேற்பட்ட திரைப்படப் பாடல்கள், நவீனங்கள், கட்டுரைகள் பல எழுதியவர். இந்து மதத்தைத் சேர்ந்தவராயினும் மதவேற்றுமை கருதாமல் ஏசுகாவியம் பாடியவர்.

கம்பரின் செய்யுளிலும், பாரதியாரின் பாடல்களிலும் மிகுந்த ஈடுபாடு கொண்டவர். அவர்களை மானசீக குருவாகக் கொண்டவர். சண்டமாருதம், திருமகள், திரை ஒலி, மேதாவி, தென்றல், தென்றல்திரை, முல்லை, கண்ணதாசன் ஆகிய இதழ்களின் ஆசிரியராக இருந்தவர்.

தமிழக அரசின் அரசவைக் கவிஞராக இருந்தவர். சாகித்ய அகாடமி விருது பெற்றவர்.

பல கவிஞர்கள் வாழ்க்கைப் பயணத்தை முடித்த பிறகே வாழ்த்தப்பட்டார்கள். கவியரசு கண்ணதாசன் வாழ்ந்தபோத வரலாறானவர்.